Bota

SHBA-ja pezullon udhëtimet nga Brazili


Bëhu pjesë e Grupit Zyrtar të Opinion.al
>> KËTU <<
               Publikuar në : 09:33 - 25/05/20 |
Al Do

Shtetet e Bashkuara kanë vendosur kufizime të udhëtimit për shtetasit e huaj, që kanë qenë në Brazil në 14 ditët e fundit.

Një zëdhënëse e Shtëpisë së Bardhë tha se kufizimet në udhëtim do të ndihmonin që personat e infektuar të mos hyjnë në SHBA.

“Vendimi do të ndihmojë që shtetasit e huaj që kanë qenë në Brazil të mos bëhen burim i infeksioneve shtesë në vendin tonë”, tha sekretarja i shtypit e Shtëpisë së Bardhë, Kayleigh McEnany.

Ndalimi i udhëtimit nuk do të zbatohet për shtetasit e SHBA-së.

“Potenciali për transmetimin e virusit nga persona të infektuar që kërkojnë të hyjnë në Shtetet e Bashkuara nga Brazili kërcënon sigurinë e sistemit tonë të transportit dhe infrastrukturës si dhe sigurinë kombëtare”, thuhet në vendim.

Megjithatë kufizimi nuk do të ndikojë në tregtinë midis dy vendeve.

Brazili ka numrin e dytë më të lartë në botë të rasteve me koronavirus, gjithsej 363,211 nga të cilët rreth 22 mijë kanë ndërruar jetë.

SHBA-ja aktualisht është vendi më i goditur në botë nga pandemia me mbi 1.6 milion raste të infektuarish dhe mbi 97 mijë viktima. /Opinion.al

Pas