Bota

SHBA goditet nga një stuhi e fuqishme dimërore, 3 viktima. Mes tyre një fëmijë 8 vjeç



Bëhu pjesë e Grupit Zyrtar të Opinion.al
>> KËTU <<
               Publikuar në : 11:50 - 15/12/22 |
Opi Nion

Të paktën tre persona kanë vdekur pasi një stuhi e fuqishme dimërore po lëviz në lindje përgjatë Shteteve të Bashkuara, duke shkaktuar tornado në shtetet jugore dhe duke mbuluar me borë pjesën tjetër të vendit.

Një fëmijë 8-vjeç dhe nëna e tij u vranë në Luiziana kur shtëpia e tyre u shkatërrua nga një tornado.

Rreth 3300 fluturime janë vonuar dhe mbi 150 të tjera janë anuluar.

Rreth 500,000 njerëz në katër shtete – Nebraska, Ëyoming, Dakota e Jugut dhe Minesota – janë nën paralajmërime për stuhi, me erëra të fuqishme dhe reshje të dendura bore që e bëjnë të vështirë udhëtimin. Miliona të tjerë në mbarë vendin janë nën alarmet më pak të rënda të motit dimëror.

Stuhi të forta parashikohen përgjatë bregut të Gjirit, duke përfshirë Luiziana, Misisipi, Alabama dhe pjesë të Floridës. Ka gjithashtu paralajmërime për tornado në pjesë të Luizianës dhe Mississippi.

Ekipet e shpëtimit kërkuan për orë të tëra para se të gjenin nënën dhe djalin që vdiqën në një zonë rurale pranë qytetit të Shreveport.

Trupi i djalit – Nikolus Little, tetë vjeç – u gjet në një zonë të pyllëzuar gjysmë milje larg banesës ku jetonte.

Trupi i nënës së tij – Yoshiko A Smith, 30 vjeç – u zbulua në një rrugë larg shtëpisë së shkatërruar, nën një grumbull mbeturinash, thanë zyrtarët.

Sherifi Steve Prator tha për televizionin lokal KSLA se bashkëshorti i 30-vjeçares kishte raportuar për zhdukjen e tyre. “Nuk gjetëm as shtëpinë”, tha sherifi. “Gjithçka ishte zhdukur,”

Një grua 56-vjeçare u gjet gjithashtu e vdekur jashtë shtëpisë së saj në Parish St Charles, sipas një politikani lokal. Departamenti i Shëndetësisë në Luiziana tha se ajo vdiq pasi një tornado shkatërroi shtëpinë e saj.

Në qytetin e vogël të Farmerville rreth 160 km larg, të paktën 25 njerëz u lënduan pasi një tornado goditi vendin.

Të paktën 18 tornado ranë në Teksas, Luiziana, Oklahoma dhe Misisipi të martën, duke plagosur banorë dhe duke shkatërruar shtëpi dhe ndërtesa.

Pas