Një 71-vjeçar është akuzuar nga autoritetet amerikane se ka goditur me thikë një grua myslimane dhe djalin e saj 6-vjeçar.
Policia beson se arsyeja e krimit është lufta midis Izraelit dhe Hamasit.
Mësohet se fëmija është goditur 26 herë me thikë dhe ka humbur jetën në spital, ndërsa nëna e tij, 32 vjeç mbeti e plagosur dhe ndodhet nën mbikëqyrjen e mjekëve.
“Hetuesit arritën të përcaktojnë se dy viktimat e këtij sulmi barbar ishin në shënjestër të të dyshuarit për shkak se ishin myslimanë dhe për shkak të konfliktit të vazhdueshëm në Lindjen e Mesme që përfshin Hamasin dhe izraelitët”, thuhet në deklaratë dhe sqarohet se krimi ndodhi të dielën në Çikago.
Zyra e sherifit nuk bëri të ditur kombësinë e viktimave. Megjithatë, sipas zyrës së Çikagos të Këshillit për Marrëdhëniet Amerikano-Islamike (CAIR), fëmija ishte palestinezo-amerikan./Opinion.al
We are shocked and disturbed to learn that a landlord in Chicago expressing anti-Muslim and anti-Palestinian views broke into a Muslim family’s apartment and attacked them with a knife, injuring the mother and killing her 6-year-old son, Wadea Al-Fayoume. @cairchicago will hold a… pic.twitter.com/N0ILuevq4n
— CAIR National (@CAIRNational) October 15, 2023
