Kombëtarja serbe do t’i jap dorën e fundit përgatitjeve për sfidën me Shqipërinë në Tiranë. Kundërshtarët e kuqezinjve do të akomodohen në kryeqytetin shqiptar, për të qenë të gatshëm për të zbritur në fushën e lojës.
Fillimisht, për serbët ishte rezervuar qëndrimi në hotelin brenda stadiumit kombëtar, por në minutën e fundit, federata ka ndryshuar destinacion. Ajo vendosi ta zhvendosë ekipin dhjetë kilometra në drejtim të kundërt.
Baza do të jetë në afërsi të pallatit me shigjeta, rreth njëzet minuta larg me makinë nga stadiumi ku do luhet sfida. Federata serbe ka venosur t’i zhvendoste lojtarët e ekipit kombëtar në një pozicion disi më të qetë.
Ekipi serb shoqërohet nga një shef kuzhine, në mënyrë që programi i të ushqyerit të respektohet deri në detajet e fundit.
Kombëtarja serbe debuton ndaj Shqipërisë në fazën kualifikuese të Kupës së Botës, në një grup ku gjenden edhe Anglia, Letonia dhe Andorra. Klan News
