Në Kosovë janë shënuar 241 raste të reja me Covid-19 në 24 orët e fundit, bëri të ditur Instituti Kombëtar i Shëndetësisë Publike të Kosovës.
Rastet e reja rezultuan nga testimi i 419 mostrave dhe numrin më të madh të tyre e ka Komuna e Prishtinës: 86 raste.
Gjithsej në Kosovë janë regjistruar 6,286 raste pozitive.
Sipas njoftimit të IKSHPK-së, gjashtë pacientë kanë humbur jetën duke e çuar totalin në 150 viktima.
IKSHPK-ja tha se në 24 orët e fundit në Kosovë janë shëruar 143 pacientë nga koronavirusi, me të cilët numri i përgjithshëm i të shëruarve arrin në 3,369.
Aktive aktualisht janë 2,762 raste. /Opinion.al
