“Serbia i dënon në mënyrën më të rreptë pretendimet territoriale të cilat kryeministri i Shqipërisë Edi Rama i paraqiti në takimin e sotëm në Prishtinë”, ka deklaruar drejtori i Zyrës për Kosovën në Qeverinë e Serbisë, Marko Gjuric.
“Do të ishte pakrahasueshëm më e dobishme sikur Rama dhe bashkëpunëtorët e tij të kishin dërguar mesazh pajtimi dhe po të kishin treguar dëshirën për bashkëpunim”, ka thënë ai, transmeton Koha.net.
Sot në Prishtinë është mbajtur mbledhja ndërqeveritare Kosovë – Shqipëri.
Edi Rama, ndër të tjera në këtë mbledhje ka thënë: “Shqiptarët bashkimin kombëtar do ta bëjnë në Bashkimin Evropian”.
Mediet serbe e citojnë kryeministrin e Shqipërisë të ketë thënë: “Një territor, një popull, një gjuhë, një ëndërr”, shkruan “Koha.net”.
