Realiteti në të cilin jetojmë, ku shpesh bota virtuale e kalon atë reale po vendos në krizë “veten” tonë, që sipas psiko-analistëve përmban të tashmen, të shkuarën dhe të ardhmen duke treguar se kush jemi. Qëndrimi gjatë gjithë kohës në rrjete sociale përveçse shton një numër të caktuar patologjish, na çon edhe në narcizëm.
Kjo do të thotë se fokusohemi tërësisht tek vetja pa shprehur interes për gjërat e tjera që na rrethojnë. Edhe patologjitë e ndryshme si varësia nga rrjetet sociale hyn në fushën e narcizmit, në pjesën ku shprehim vështirësi dhe debulesë për ndërveprimin me botën e jashtme.
Sipas studiuesve postimet ku shihen më shumë tipare narciste janë pikërisht fotot ‘selfie’, të cilat janë një mënyrë komunikimi për të treguar ekzistencën, praninë në rrjete sociale për të marrë një pëlqim, por pa kurrfarë interesi për botën e jashtme.
Kjo problematikë prek sidomos adoleshentët dhe të rinjtë, pasi për të moshuarit fokusimi tek vetja lidhet me vetminë. Studiuesit gjithashtu theksojnë se cilësia e marrëdhënieve personale është një matës i mirë për të kuptuar nëse diçka nuk shkon.
“Kanë një ego të madhe, kemi zbuluar gjithashtu se këta persona nuk reagojnë në mënyrë korrekte ndaj stimujve të jashtëm në një pjesë të caktuar të trurit, e cila është shumë e rëndësishme për të intergruar informacion të jashtëm dhe të brendshëm. Gjithashtu kjo pjesë e trurit është e ngadaltë edhe sa i përket anës spontane. Kur je shumë i ngadaltë, edhe për të ndjekur dhe kuptuar më pas e bën me vështirësi. Ndihesh i frustruar, për këtë arsye si si kompesim rritet ‘egoja’ -përfundojnë studiuesit./Xh.K/Opinion.al/
Përshtatur në shqip nga Ansa.it
