Pas rastit të 19-vjeçarit anglez, Danny Bowman, që ishte i fiksuar pas selfie-t dhe harxhonte deri në 10 orë në ditë duke i bërë foto vetes me iPhone, u bë shqetësimi kryesor në qarqet psikologjike. Ai pushoi se shkuari në shkollë, pushoi se frekuentuari miqtë e më në fund, pas 6 muajsh, tentoi vetëvrasjen. Rasti i tij shqetësoi opinionin publik dhe atë profesionist.
Mjeku psikiatër Davil Veal që ka Danny-n në terapi lëshoi një alarm për adoleshentët: “Selfie nuk është një lojë, selfie-mania mund të konsiderohet një çrregullim mendor.” Në fakt, në një studim të kohëve të fundit mjekët konsistojnë se të pasionuarit pas selfie vuajnë nga një dëshirë obsesive për të realizuar foto të vetes dhe publikuar ato online.
Selfie është një vullnet i fortë i personit për t’i thënë botës: “Unë jam këtu dhe po bëj këtë”. Studimet e deritanishme kanë treguar se ka një lidhje midis manisë për selfie dhe vetëvlerësimit. Personat që i bëjnë foto vetes janë në kërkim të një imazhi të mirë për veten e tyre. Të rinjtë sidomos, nuk ndihen të realizuar dhe kjo ju shkakton një ide të paqartë për veten.
Këta individë kanë personalitet të dobët dhe kërkojnë vazhdimisht konfirmim nëpërmjet like-ve ose komenteve për të kuptuar kush janë dhe sa vlejnë. Rrjetet sociale përpos të mirave dhe lehtësirave në komunikim sollën edhe këto çrregullime të cilat do të jenë sfidat e reja të brezit të ri.
Manisë së selfie-ve nuk i ka shpëtuar gati askush. Jo vetëm njerëzit e thjeshtë, por edhe figurat më të rëndësishme të politikës, artit, modës etj. Fotografitë selfie duket se janë shndërruar në trendin e ri të VIP-ave në të gjithë botën
