Moti i keq ka përfshirë Selanikun këtë të premte, teksa rrugët janë përmbytur për shkak të reshjeve të shiut.
Mësohet përmbytjet kanë shkaktuar dëme të mëdha materiale, ndërsa jeta e shumë qytetarëve ishte në rrezik.
Në një video shihet një shpërndarës picash në rrugë, i cili ishte duke lëvizur në rrugë me motor, por ujë e ka shtyrë atë për disa metra.
Ai është përpjekur ta mbaje motorin duke vendosur këmbët në tokë, por më kot, pasi ujërat tërhoqën zvarrë në rrugën Riga Feraiu në Sykies.
Më pas arrin të ngrihet, megjithatë mototi vazhdon të jetë paksa e rënduar në ujërat e vrullshme.
Brenda pak minutash rrugët u bënë lumenj dhe uji hyri shumë shpejt në dyqanet përdhese, me pronarët që bënin maksimumin, madje duke përdorur kova për ta hequr, siç raportojnë mediat fqinje.
Ujërat e vrullshëm, në fakt, hodhën kapakët e kanalizimeve në rrugë në disa rrugë në Selanikun lindor.
Në të njëjtën kohë, rrufeja ka goditur çatinë e një banese në zonën e Nea Michanionës. Menjëherë ka rënë zjarr dhe ka mbërritur Shërbimi Zjarrfikës me tetë zjarrfikës dhe tre automjete. Nga ngjarja nuk ka pasur të lënduar, por vetëm dëme materiale në objekt.
https://youtu.be/3f4G9M8SWWc
Σαλόνικα εξτρίμ σπορτσ pic.twitter.com/0neHw9MyA9
— Malamas Sotiriou (@MalamasSotiriou) September 2, 2022
