Me urdhër të Prokurorisë së Krimeve të Rënda, policia ka kryer sekuestrimin e disa pronave të shtetasit me inicialet N.J., dyshuar se janë vënë me aktivitet kriminal.
Burimet policore thanë se i janë sekuestruar disa apartamente, garazhe dhe tokë në bregdet. Po nga të njëjtat burime është bërë me dije se pasuria e sekuestruar llogaritet me vlerë 4 milion Euro.
Operacioni
Në kuadër të Planit të Masave “VJESHTË 2017” ” Për goditjen e grupeve dhe aseteve kriminale” , nga ana e Specialistëve të hetimit të Asteve Kriminale në Drejtorinë Vendore të Policisë Tiranë në bashkëpunim me Prokurorinë pranë Gjykatës së Shkallës së Parë për Krimet e Rënda është bërë sekuestrimi i disa pasurive në zbatim të Vendimit nr.22 të Gjykatës së Shkallës së Parë për krime të Rënda, në funksion të Procedimit Pasuror nr.19/2017 në ngarkim të shtetasit N.J, procedim ky i referuar në Prokurori nga Specialistët e Seksionit per Hetimin e Pastrimit të Parave dhe Asteve Kriminale në Drejtorinë Vendore të Policisë Tiranë
Pasuritë e sekuestruara janë :
Apartamete të ndodhura në Tiranë gjithesej 4(kater) me një sipërfaqe 450 m2
Garazhde të ndodhura në Tiranë, gjithesej 2(dy) me një sipërfaqe 40 m2
Apartament i ndodhur në Vlorë, gjithesej 1(një) me një sipërfaqe 65 m2
Tokë e ndodhur në zonën e bregetit Drinmadh, Porto Palermo, Llaman, Amallol në Himarë me një sipërfaqe totale 31.000m2
Në total me një vlerë tregu pasuri të sekuestruar arrijnë vlerën 4 milon Euro.
Këto pasuri pasi u sekuestruan i kaluan nën administrim Agjensisë për administrimin e Pasurive të Sekuestruara dhe të Konfiskuara,pranë Ministrisë së Financave.
