Sekuestrohen rreth 1.5 milionë euro pasuri të Admir Murataj dhe familjarëve të tij.
Në kuadër të luftës kundër krimit të organizuar, në vijim të punës për gjurmimin, evidentimin dhe sekuestrimin e pasurive që rrjedhin nga veprimtaria kriminale, Departamenti i Policisë Kriminale në bashkëpunim me Seksionin për Hetimin e Pastrimit të Parave dhe Aseteve Kriminale në DVP Tiranë, në zbatim të vendimit të Gjykatës së Shkallës së Parë për Krime të Rënda Tiranë, kanë bërë sekuestrimin e pasurive të luajtshme dhe të paluajtshme të cilat i përkisnin Admir Muratajt dhe vëllezërve të tij.
Pasuritë e sekuestruara:
Vilë 3 – katëshe e ndodhur në Prezë, Tiranë, me një sipërfaqe totale ndërtimi 300 m2
Tokë truall me sipërfaqe 600.3 m2, ndodhur afër Saukut.
Garazh me sipërfaqe 23 m2
Apartament me sipërfaqe 100.5 m2,
Tokë truall, në emër të Admir Murataj.
Apartament banimi në Sarandë
Apartament, me sipërfaqe 71 m2
9 automjete të llojeve të ndryshme relativisht të shtrenjta.
Admir Murataj mbeti i vrarë pas grabitjes në Rinas, në 9 prill të këtij viti./ Opinion.al
