Sekretari i Përgjithshëm i NATO-s, Jens Stoltenberg gjatë një vizite në Tiranë, pas një takimi me kryeministrin Edi Rama foli qartë në lidhje me situatën politike. Stoltenberg ishte i prerë në mesazhin e tij, sa i përket krizës.
“NATO është aleancë e vendeve demokratike, në demokraci ka gjithmonë mendime të ndryshme, por dhuna politike bie ndesh me vlerat tona demokratike. Është absolutisht e papranueshme, prandaj iu bëj thirrje që aktorët politikë të sillen në mënyrë të përgjegjshëm dhe të zgjidhen çdo diferencë përmes dialogut. Për shkak se kjo kontribuon për një të ardhme më të mirë të gjithë Shqipërisë dhe gjithë Rajonit”, theksoi Stoltenberg.
I pyetur nëse rusët kanë ndikim në këtë krizë politike në vend, por edhe në Ballkanin Perëndimor, Sekretari i Përgjithshëm i NATO-s nuk preferoi të jepte një përgjigje, por sipas tij kriza është vetëm brenda vendit pa ndikim nga jashtë.
“Debati politike, mosmarrëveshjet politike janë pjesë e demokracisë, nuk është shenjë dobësie po shenjë force. Ajo që nuk është e pranueshme është dhuna, ndaj iu bëj thirrje që të respektohen gjithë institucionet demokratike të të gjithë vendeve. Çdo mos marrëveshje duhet të zgjidhet përmes dialogut politik. Zgjedhjet janë një pjesë themelore e procesit demokratik, në shtete tona anëtare. Iu bëj thirrje të gjithë aktorëve politikë të marrin pjesë në dialog e të zgjidhin mosmarrëveshjet përmes dialogut. Kemi parë përpjekje të Rusisë për tu përfshirë në proces politike, në vende të ndryshme. Për në Shqipëri, më mirë të flasë kryeministri”, theksoi Sekretari i Përgjithshëm i NATO-s.
“Nuk është sekret që qasja e Rusisë ndaj NATO-s ndaj BE-së ndaj procese integruese nuk është një qasje miqësore. Së dyti unë dua të nënvizojë faktin se në asnjë vend të NATO-së nuk ka ndodhur çka po ndodh këtu dhe çka disa forca kryesore të opozitës paralajmërojnë dhe mesa duket përpiqet që të ndodh këtu. Do të ishte pa diskutime një njollë e pashlyeshme për vendin tonë, si vend anëtar i NATO-s. Së treti patjetër që diçka e tillë nuk shkon në favor të vendit, nuk përputhet me interesat vlerat parimet as të NATO-s as të BE-së si e tillë me apo pa dashje çon ujë në mullirin e atyre që nuk dëshirojnë integrimin e Ballkanit Perëndimor as në NATO-n e as në BE”, tha shefi i qeverisë shqiptare.
Sekretari i Përgjithshëm i NATO-s mbërrin në Tiranë
Sekretari i Përgjithshëm i NATO-s, Jens Stoltenberg ka mbërritur në Tiranë, i pritur nga ministrja e mbrojtjes Olta Xhaçka. Ata kanë zhvilluar një takim të shkurtër me fokus situatën politike në vend. Me pas ai është drejtuar ne zyrën e Kryeministrit Edi Rama, ku për 45 minuta është planifikuar një takim mes dy delegacioneve.
Në vijim, Sekretari i Përgjithshëm i NATO-s do të udhëtojë drejt Maqedonisë së Veriut ku do të ketë takime me presidentin Stevo Pendarovki, kryeministrin Zoran Zaev dhe kreun e Parlamentit Talat Xhaferi. /Opinion.al
