Teksa ditën e sotme po mbahet seanca e parë në Gjykatën e Posaçme për kryetarin e zgjedhur të bashkisë së Himarës Fredi Beleri, ka dhënë një deklaratë të shkurtër për mediat kreu i PBDNJ-së Vangjel Dule jashtë dyerve të GJKKO.
Dule theksoi se mbajtja e Belerit në qeli është në kundërshtim me rezolutën e Parlamentit Evropian.
Sipas tij ky qëndrim nga ana e autoriteteve shqiptare përbën një precedent ogurzi për politikën dhe institucionet në vend.
“Përcilluni që të dëgjojnë këmbanën e rezolutës së Parlamentit Evropian, përcilluni vendimin e partive popullore evropiane, dëgjoni zërat racionalë nga Shtetet e Bashkuara të Amerikës dhe të Evropës, nuk ka një precedent të tillë. Është një përjashtim i rrezikshëm, përbën një precedent ogurzi për jetën tonë politike dhe institucionale. Ju faleminderit!”, tha Dule.
Beleri është vënë në pranga më 12 Maj të këtij viti, dy ditë para zgjedhjeve lokale me akuzën e blerjes së votave. SPAK e akuzon kryebashkiakun për korrupsion zgjedhor.
