Bota

Scholz bën thirrje për “plan të ri Marshall” për rindërtimin e Ukrainës



Bëhu pjesë e Grupit Zyrtar të Opinion.al
>> KËTU <<
               Publikuar në : 15:33 - 25/10/22 |
Opi Nion

Kancelari gjerman Olaf Scholz ka bërë thirrje për një “plan të ri Marshall” për rindërtimin e Ukrainës.

Scholz iu referua programit të zhvillimit të sponsorizuar nga SHBA, i cili synonte rehabilitimin e ekonomive evropiane pas Luftës së Dytë Botërore në mënyrë që të ruante demokracinë në kontinent.

“Ne nuk e dimë se kur do të përfundojë kjo luftë. Por do të përfundojë”, tha Scholz këtë të martë në një konferencë në Berlin për rindërtimin e Ukrainës.

Ndihma për rimëkëmbjen e Ukrainës do të jetë “një sfidë për brezat” dhe do të kërkojë ” bashkëpunimin e të gjithë komunitetit ndërkombëtar”, shtoi ai.

Më tej, Scholz tha se, Gjermania do të vazhdojë të mbështesë Kievin me armë për të mbrojtur veten për aq kohë sa të jetë e nevojshme.

“Për të siguruar që ajo të mbizotërojë … ne do të vazhdojmë me vendosmëri të mbështesim Ukrainën politikisht, financiarisht dhe gjithashtu me armë, për aq kohë sa të duhet,” u shpreh Scholz.

Scholz tha se përdorimi i dronëve nga Rusia kundrejt civilëve dhe termocentraleve ukrainase janë një përpjekje e Moskës për të fshirë Ukrainën nga harta.

“Sulmet e fundit pa dallim, duke përfshirë përdorimin e dronëve kamikaze kundër civilëve dhe infrastrukturës civile në Ukrainë, shënojnë një rënie të re në përpjekjet e neveritshme të Rusisë për të fshirë Ukrainën nga harta. Kjo tregon vetëm një gjë: Rusia e Putinit është e dëshpëruar”, tha Scholz./Opinion.al

Pas