Të veshur si Santa Claus, mijëra koreano-jugor, në shenjë proteste, ditën e sotme, kanë marshuar në rrugët e Seulit, duke kërkuar dorëheqjen e presidentes.
Kjo protestë, shënon javën e nëntë të mitingjeve kundër Park Geun-hey, presidente e Koresë së Jugut.
Parlamenti i Koresë votoi për rrëzimin e presidentes të përfshirë në një skandal korrupsioni, por ky vendim duhet të konfirmohet nga Gjykata Kushtetuese e Koresë së Jugut.
Këto javë, mijëra njerëz, kanë dalë në rrugë me thirrje për shkarkimin e presidentes që pas votimit në parlament.
Organizatorët, kanë bërë me dije, se në protestë kanë marrë pjesë më shumë se 550.000 njerëz. Ata kanë marshuar drejt shtëpisë presidenciale, zyrës së kryeministrit dhe Gjykatës Kushtetuese.
Turma e madhe e njerëzve në protestë, brohoriste: “Arrestoni menjëherë Park”, duke kënduar një këngë Krishtlindjesh, të cilës i kishin ndryshuar tekstin për të vënë në lojë presidenten e tyre.
