Kryeministri britanik Keir Starmer ka mbërritur në Presidencë, në vizitën e tij të parë në Shqipëri.
Keir Starmer dhe delegacioni i tij janë pritur nga kreu i Shtetit Bajram Begaj.
Kjo është vizita e parë e Kryeministrit të Mbretërisë së Bashkuar në vendin tonë, i cili mbërriti në Tiranë në kuadër të Samitit europian.
Ndërkohë, Begaj uron që kjo vizitë të forcojë më shumë bashkëpunimin mes dy vendeve drejt partneritetit strategjik.
“Mirë se erdhe në Tiranë, Keir Starmer, i pari Kryeministër i Mbretërisë së Bashkuar që viziton Shqipërinë.
Uroj dhe besoj që kjo vizitë do ta forcojë më shumë bashkëpunimin tonë drejt partneritetit strategjik”, shkruan Begaj në facebook.
