Presidenti i SHBA-së, Donald Trump, do të takojë të hënën homologun e tij rus Vladimir Putin; duke i dhënë kështu fund një turneu të trazuar në Europë, gjatë të cilit kritikoi aleatët e tij.
Trump është shprehur përpara bisedimeve në kryeqytetin finlandez në Helsinki se ka ‘pritshmëri të pakta’, duke shtuar më tej se ndoshta ‘disa të mira’ do të vinin nga takimi i tyre.
Ky Samit vjen në kohën kur 12 shtetas rusë u akuzuan për ndërhyrje në zgjedhjet presidenciale të vitit 2016 në SHBA.
Trump është shprehur se një çështje të tillë do t’a diskutojë edhe pse nuk është në agjendën zyrtare.
Në takimin ‘tetë-a-tetë’, dy liderëve, do t’iu bashkangjiten vetëm përkthyesit e tyre. Ky është takimi i parë mes Putin dhe Trump edhe pse ata janë takuar edhe herë të tjera gjatë takimeve të ndryshme ndërkombëtare.
Disa senatorë demokratë i kërkuan Presidentit ta anulonte takimin me zotin Putin, nëse nuk e bën sulmin rus ndaj zgjedhjeve amerikane çështjen kryesore të diskutimeve.
Por zyrtarët e Shtëpisë së Bardhë thanë se nuk ka shanse që takimi të anulohet.
Rusia i mohon akuzat, ndërsa bisedimet i sheh si shpresdhënëse për përmirësimin e marrëdhënieve mes dy vendeve./BBC/
