Presidenti francez Emmanuel Macron ka mbërritur në Samitin mes BE dhe Ballkanit Perëndimor. Në një deklaratë për mediat ai vlerësoi mbajtjen e samitit BE-Ballkani Perëndimor në Tiranë, ndërsa foli edhe për projekte konkrete për rajonin në fushën e energjisë dhe për integrimin.
“Jam i lumtur që sot jam në Shqipëri, falenderoj kryeministrin Rama për këtë samit të rëndësishëm. Në kuadër të presidencës çeke kemi projekte konkrete për të diskutuar.
E rëndësishme të kemi projekte konkrete për energjinë dhe procesin e integrimit të kesaj pjese në BE. E rëndësishme të punohet drejt një solidariteti të mëtejshëm.
Do të kemi mundësi të përgatisim konkluzione për energjinë. Jemi shumë krenarë dhe të lumtur që gjendemi ketu, miku im kryeministri Edi Rama më ka ftuar disa herë, do të kthehem për një takim dypalësh. Me një mot me kaq shume diell duhet të jeni tejet krenar që prisni BE”-tha Macron.
