Presidenti i Këshillit Europian, Charles Michel, është takuar ditën e sotme me Kryeministrin e Sllovenisë, Robert Golob në Lubjanë, përpara nisjes së tij drejt Tiranës, ku do të marrë pjesë në samitin e BE-Ballkani Perëndimor.
Gjatë një konference për shtyp, Michel ka folur për rëndësinë e samitit që mbahet ditën e nesërme në Tiranë.
Në një postim në “Twitter”, Michel shkruan: Samiti i nesërm BE-Ballkani Perëndimor është shumë simbolik sepse do të zhvillohet në Tiranë, në zemër të rajonit. Tregon një evolucion të fortë përsa i përket angazhimit.
Teksa publikon momente nga konferenca në Slloveni, presidenti i Këshillit Europian njofton se është hartuar një deklaratë ambicioze që sipas tij do të lidhë më shumë BE-në me Ballkanin Perëndimor.
“Më lejoni të filloj duke theksuar Ballkanin Perëndimor dhe përfshirjen tonë në samitin e nesërm. Është shumë simbolik sepse do të marrë pjesë në Tiranë, në zemër të Ballkanit Perëndimor dhe tregon një evolucion të fortë sa i përket atmosferës dhe angazhimit. Të gjithë e kujtojmë samitin në Bruksel verën e shkuar me Ballkanin Perëndimor si një moment të së vërtetës. Që prej atëherë ne kemi filluar procedurat me Shqipërinë dhe Maqedoninë e Veriut. Kemi hartuar një deklaratë ambicioze, e cila do të paraqitet nesër, në mënyrë që të lidhim më shumë Ballkanin Perëndimor me Bashkimin Europian dhe kjo është madje para përfundimit të procesit të anëtarësimit”, tha Michel.
Tomorrow’s EU-#WesternBalkans summit is very symbolic because it will take place in Tirana, at the heart of the region.
It shows a strong evolution in terms of engagement. pic.twitter.com/7buRaBENUU
— Charles Michel (@CharlesMichel) December 5, 2022
