Ish-deputeti i Partisë Demokratike, Ervin Salianji me anë të një statusi në Facebook ka denoncuar se Kepi i Rodonit po jepet me PPP.
Krahas fotografisë së një kontrate, Salianji shkruan se çdo pronë publike, çdo aset kombëtar është përqëndruar në disa duar ndërkohë që çdo ditë rritet represioni ndaj të varfërve.
Sipas tij çdo PPP ështē interes dhe përfitim direkt pa asnjë kontribut për publiken, pasi në shumicën e PPP janë para të buxhetit që i kalojnë për administrim xhepit të oligarkëve.
Postimi i plotë:
Kepi i Rodonit me PPP!
Dje Saranda sot Rodoni….Çdo ditë një vjedhje! Sot një llokmë tjeter nga pasuria e Shqipërisë bëhet gati për “pronësim”!
Jepet me PPP, një nga asetet më të kërkuara më me vlerë deri sot e diskutuar shumë se si do të mund të përdorej me mirë.
Gjithçka me PPP, çdo pronë publike, çdo aset kombetar, toka, dete, lumenj, miniera, minerale, naftë….gjithçka në disa duar ndërkohë që çdo ditë rritet represioni ndaj të varfërve, njerezve qe derdhin gjak per te siguruar ushqimin e përditshëm,
Çdo PPP ështē interes dhe përfitim direkt pa asnjë kontribut pêr publiken, në shumicën e PPP janë para të buxhetit që i kalojnë për administrim xhepit të oligarkëve!
Shqipëria nuk ështē e varfer, ështē e vjedhur!
