Deputeti i Pd-së, Ervin Salianji thotë se gjatë këtyre 24 orëve që kur u shpall vendimi i Apelit, ka patur komunikime me të gjithë ndërkombëtarët në vendin tonë.
Keni patur komunikim me ndërkombëtarët në vendin tonë dhe cili ka qenë qëndrimi i tyre?
Salianji: Më të gjithë, për qëndrimet e partnerëve ndërkombëtarë unë mendoj se shprehen ata vetë. Unë nuk kam asnjë tagër për të komunikuar me publikun dhe asnjë qëndrim që nuk është i imi. Unë flas për qëndrimet e mia dhe qëndrimet e PD, për qëndrimet e tjera besoj se secili komunikon dhe flet vetë.
Ne kemi informuar të gjitha kancelaritë, të gjitha ambasadat. Kemi dërguar të gjithë dokumentet zyrtare të kësaj cështje, kemi dërguar dosjen e plotë të manipulimit së bashku me pjesët ku përgjigjimet e prokurorisë faktojnë manipulimine kësja cështje. Kjo nuk është një cështje që lexohet për 10 minuta, këtu do jemi prapë dhe do komunikohet edhe për këtë cështje.
