Pas reagimit në Facebook të Monika Kryemadhit, tashme ka bërë një thirrje edhe ish deputeti Ervin Salianji.
Ai i fton qytetarët të dalin sot në protestë për të luftuar për lirinë e zgjedhjes së lirë. Në reagimin e tij Salianji shprehet se zgjedhjet nuk mund të jenë një farsë formale ku një palë dikton jetën e qytetarëve.
Në fund ai bën apel që të gjithë të mblidhen në ‘selinë e së keqes’. Nuk është e qartë nëse me këtë ish deputeti ka nënkuptuar kryeministrinë apo selinë e partisë socialiste.
Në lidhje me protestën e sotme ende nuk ka një itinerar të zbuluar se çfarë do të ndodhë duke nisur nga ora 19:00
Postimi i Ervin Salianjit
“Skllavêria si çdo pësim tjetër, pasi rëndon ca kohë në kurriz, bëhet në fund një zakon i pëlqyer, dhe ata që e mbajnë mbi zverk e durojnë me gëzim! Ata jo vetëm s’marrin vesh çdo me thënë liri por ndjejne urrejtje për mbrojtësit e lirisë dhe ushqejnë respektin më të thellë për tiranët” thoshte Konica.
Sot larot e krimit nuk lenë kuisje pa përdorur për të mbrojtur pushtetin personal dhe milionat e Ramës dhe kopesë së tij kriminale, përballë kanë një popull që për liri ka sakrifikuar gjakun e mijëra martirëve, larot e krimit le ta gëzojnë mbi zverk nënshtrimin, qytetarët do të luftojnë për liri, liria për të zgjedhur është themelore.
Zgjedhjet janë dita kur populli vendos se kush meriton të zgjidhet mbi bazën e ofertave politike dhe jo dita kur pushteti do të imponojë me farsa formale se cilët do të vjedhin dhe diktojnë jetën e qytetarëve për 4 vitet e ardhshme!
Sot, ora 19:00 të gjithë përpara selise të së keqes, për liri, për dinjitet, për Shqipërinë si Evropa! /Opinion.al
