Deputeti i Partisë Demokratike, Ervin Salianji ka denoncuar faktin që edhe pas 9 vitesh punimet në segmentin rrugor Korçë- Ersekë dhe Qukës-Qafë Plloçë ende nuk kanë përfunduar.
Sipas tij, ministrja Belinda Balluku në Dhjetor të vitit të kaluar deklaroi se kishin përfunduar 91% e punimeve, ndërkohë tani u akorduan plotë 17 milionë euro shtesë për 9% të punimeve.
“Rruga e cila është tenderuar në vitin 2013 Korçë- Ersekë prej 9 vitesh vazhdon të jetë e papërfunduar. Jo vetëm të jetë e papërfunduar, por nëse tenderimi për rrugën ka shkuar dhe ka qenë për lotin e dytë 19 milionë euro, në dhjetor ministrja ka thënë që 91% e punimeve ka përfunduar, ndërkohë që tani jepen 17 milionë euro në mënyrë abuzive për një segment të vogël rrugor dhe kështu po bëhet për çdo punë publike në këtë vend. Këto janë skandale që do t’i ndjekim, unë i kam çuar shkesa institucioneve për këtë rast por edhe për rrugën Qukës- Qafë Plloçë dhe do të çojmë para institucioneve të drejtësisë personat përgjegjës që të mbajnë përgjegjësi”,-deklaroi Salianji./Opinion.al
