“Garantoj me jetë se djali im është i pafajshëm. Kështu u shpreh Sali Lushaj sot për të birin, Stresin të arrestuar 3 ditë më parë. Ai bashkë me bashkëshorten ishin të ftuar në News 24, ku kanë treguar se si qëndron e vërteta për arrestimin e djalit të tyre, reperin e njohur Arkimed Lushaj (Stresi).
Si e mësuat arrestimit?
Sali Lushaj: E mësuam përmes avokatit. Ishim në shtëpi na bënë një telefonatë. Tha se kishte parë një arrestim të tmerrshëm. Kemi shkuar tek Drejtoria e Policisë dhe nuk na dhanë shpjegim pse e kishin arrestuar.
Shpresa Lushaj: Avokati ndodhej në polici për një klient dhe kishte parë Stresin kur e kishin dërguar në polici.
Kur kishit komunikuar me djalin?
Sali Lushaj: Në mëngjes, më tha që do vij shpejt në shtëpi
Shpresa Lushaj: Ai atë natë ka pasur koncerte, dhe më tha që do vinte në shtëpi. Më mori në telefon më pas dhe më tha do rri në hotel.
Keni komunikuar me djalin?
Sali Lushaj: Përmes avokatit, ai ka thënë se nuk ka asgjë të vërtetë, janë të sajuara të gjitha. Unë garantoj me jetën time, se djali im nuk është pjesë e asnjë grupi kriminal. Po ka tre ditë pse nuk ka asnjë të arrestuar, pse ai është vetëm.
