Ish-kryeministri Sali Berisha prej datës 30 dhjetor 2023 ndodhet në “arrest shtëpie”.
Ndërkaq ditën e sotme në orët e paradites në shtëpinë e tij kanë shkuar oficerët e policisë për të kontrolluar zbatimin e masës së sigurisë nga ana e ish-kryeministrit.
Më 30 dhjetor, Gjykata e Posaçme kundër Krimit të Organizuar dhe Korrupsionit pranoi kërkesën e SPAK për ashpërsimin e masës së sigurisë dhe ndalimit të komunikimit për ish-kryeministrin Sali Berisha.
Avokati i Berishës e cilësoi ndalimin e komunikimit si privim të lirisë për një deputet dhe paralajmëroi apelimin e masës.
