Kancelari austriak Sebastian Kurz, ka çuar vendin në zgjedhje të parakohshme, pas dorëheqjes së zv/kancelari Heinz-Christian Strache, i cili ishte i përfshirë në një aferë korruptive.
Lidhur me këto zhvillime, ka ardhur dhe reagimi i kancelares gjermane, Angela Merkel, e cila shprehet se skandali tregoi se çfarë bëjnë realisht partitë e ekstremit të djathtë në Europë, ndërsa theksoi që europianët nuk duhet të votojnë të tilla parti politike.
“Na duhet të merremi me lëvizje populiste të cilat në shumë fusha janë përçmuese të këtyre vlerave, që dëshirojnë të shkatërrojnë Evropën e vlerave tona. Na duhet të kundërshtojmë këtë në formë të prerë”, tha Merkel.
Angela Merkel ia ka lënë në dorë fushatën Manfred weberit, kryekandidati konservator në zgjedhjet e 23-26 majit. weber, që gjithashtu foli në Zagreb, tha se skandali austriak ka arsyetuar qëllimin e tij që të mos mbështetet në votat e partive të ekstremit të djathtë në garën e tij për president të Komisionit të BE-së.
“E djathta ekstreme dhe populistët janë të gatshëm të shesin patriotizmin e tyre dhe vlerat e vendit të tyre për përfitime tjera”, tha ai, duke iu referuar aferës austriake.
lideri i Partisë së Lirisë, Heinz-Christian Strache, e cila është parti e ekstremit të djathtë, dha dorëheqje të shtunën nga posti i zëvendës-kancelarit, pasi në media u publikua një video, ku ai shihej teksa ofronte kontrata shtetërore në këmbim të mbështetjes politike doli në publik./ Opinion.al E.Xh.
