Safet Bajri është dërguar në Bllokun e Sigurisë, pas kryerjes së procedurave në Drejtorinë e Policisë së Tiranës.
Bajri u vu sot në pranga pas urdhrit të dhënë nga GJKKO.
Në një prononcim për mediat avokati i tij, Sokol Tahiraj është shprehur se Bajri nuk është arrestuar, por sipas tij ai është paraqitur vetë në Drejtorinë e Policisë së qarkut të Shkodrës.
Tahiraj theksoi se Safet Bajri ka ardhur në Tiranë sipas tij për marrjen e kampionit të ADN-së.
“Është për një çështje që është gjykuar një herë. Nuk kam materiale më tepër. Po e theksoj edhe njëherë edhe për mediat edhe për publikun nuk është thirrur në telefon, por është paraqitur vetë në Drejtorinë e qarkut të Shkodrës.
Aty është bërë me dije për një kampion ADN-je. ADN do e merrte në Tiranë dhe në atë moment ka ardhur në Tiranë i shoqëruar nga policia. Nuk është arrestuar, por ka vajtur vetë”, shprehet avokati i Safet Bajrit, Sokol Tahiraj.
