Sulmuesi i Kombëtares shqiptare, Armando Sadiku, ditën e sotme shënoi gol ndaj Baselit nga një distancë shumë e largët.
Pas kësaj Sadiku ka festuar duke shpërthyer në të shara.
I pyetur për këtë reagim të sulmuesit shqiptar, trajneri i Luganos, Fabio Celestini, e ka pritur me humor festimin e “bomberit” 27-vjeçar.
“Nuk e kam parë, çfarë ka ndodhur?! Unë po festoja, nuk e di, por nëse Sadiku e kishte me mua, uroj ta bëjë më shumë. Uroj të inatoset çdo fundjavë me mua pra. Unë kam një raport shumë të mirë me Armandon, pastaj më duhet të bëj disa zgjedhje, herë luan e herë jo. Por ajo që i kërkoj është që të bëjë gjithmonë atë që bëri sot, ndaj jam i lumtur. Sinqerisht nuk e kam parë festimin e tij”.-tha Celestini./ Opinion.al E.Xh.
