Nga Dritan LACI
Pas 66 ditësh krizë të mirëfilltë politike, me dy palë që nuk tërhiqen nga istikamet e tyre, ku opozita vazhdon të kërkojë qeveri teknike ndërsa maxhoranca thotë se do të shkojë edhe e vetme në zgjedhje, e sotmja më shumë se një lojë shahu me lëvizje të studiuara në skakierë, duket si një prag finale boksi, ku palët janë të gatshme ti thyejnë hundët njëra-tjetrës dhe të çojnë deri në fund kokëfortësinë e tyre për të mos lëshuar asgjë nga kërkesat e tyre. Sot në Tiranë vijnë dy eurodeputetë, përkatësisht Mc Allister dhe Knut Fleckestein, të cilët kanë sjellë me vete edhe një draft me pika me qëllim zgjidhjen e situatës. Por duket se qoftë maxhoranca qoftë opozita nuk negociojnë qëndrimet e tyre. Kjo u la të kuptohet edhe mbrëmë në Opinion ku si Eduard Shalsi aktualisht Ministër I Punës dhe Çeshtjeve Vendore ashtu edhe Aldo Bumçi nga radhët e Partisë Demokratike, nuk kanë dhënë asnjë shpresë se sot do të ketë një finale shprese për zgjidhjen e krizës politike që ka mbërthyer Shqipërinë.
I pyetur për vijën e kuqe ku maxhoranca nuk negocion, Shalsi tha mbrëmë në “Opinion” se kjo është reforma në drejtësi dhe data e zgjedhjeve të përgjithshme të cilat sipas tij as që duhet të bisedohen në tryezën e bisedimeve që ndërkombëtarët do të përpiqen të bindin maxhorancën dhe opozitën sot në funksion të zgjidhjes së krizës politike.
Për ta përforëcuar edhe më shumë bindjen e maxhorancës për të mos lëvizur nga qëndrimi fillestar, Shalsi përmendi edhe deklaratën e fundit të Departamentit Amerikan të Shtetit, i cili sipas tij nënvizon: se partitë politike në Shqipëri duhet të marrin pjesë në zgjedhjet e ardhshme parlamentare.
Ndërsa Bumçi duke përmendur qëndrimin me dy standarde të ndërkombëtarëve në raport me krizën në Shqipëri dhe Maqedoni; ku qëndrimi i tyre në lidhje me krizën politike në Maqedoni përkoi me qeveri teknike dhe vajtjen në zgjedhje të parakohshme, përfaqësuesi I maxhorancës foli I bindur se maxhoranca nuk do të negociojë kushtin për qeveri teknike. Madje i pyetur nga drejtuesi I emisionit Blendi Fevziu nëse ky ishte edhe qëndrimi I Bashës, Bumçi po se ky ishte vendimi I opozitës së bashkuar. Sa shanse ka sot duke u bazuar edhe në këto qëndrime që kriza politike të shkojë drejt zgjidhjes? Gjasat deri më tani janë zero edhe pse ndërkombëtarët janë rrugës me avion dhe ora e takimeve ka nisur të numërojë mbrapsht për palët, po ashtu edhe si ora e afateve ligjore kushtetuese që po djeg çdo etapë dhe mund ta çojë vendin në një krizë edhe më të thellë politike./ Opinion.al
