Udhëheqësi suprem i Iranit, Ali Khamenei sulmoi të mërkurën Shqipërinë duke e cilësuar një vend djallëzor, ku amerikanët bashkëpunojnë me tradhtarët e Iranit kundër Republikës Islamike.
Kësaj deklarate iu përgjigj edhe kryeministri Edi Rama, i cili tha se Shqipëria është një vend i NATO-s dhe nëse sulmohet do të thotë se aleanca do veprojë.
Në emisionin Opinion, gazetarë dhe analistë mendojnë se Shqipëria nuk rrezikohet nga asnjë sulm.
“2700 muxhahedinë janë vendosur në Manëz. Janë vendosur aty se ishte shumë e vështirë për tu kontrolluar. Pasi erdhën ata, Irani rriti prezencën me shërbime sekrete në Shqipëri dhe futi brenda ambasadës elementë të spiunazhit. Kampi i Manzës ka vëzhgimin maksimal për SHBA dhe nga Franca, e cila strehon dhe strukturën drejtuese të MEK”, tha gazetari Artan Hoxha.
Për gazetarin Mentor Kikia konflikti po shuhet dhe atje ku u ndez, ndaj nuk ka rrezik.
“Unë besoj se nuk ka nevojë për masa”, tha ai. Ndërkohë Enton Abilekaj mendon se ne jemi të ekspozuar, sepse Irani se këta përdorin “elementë të tretë” për sulme, siç janë trafikantë droge etj. / Opinion.al
