-U tha në Opinion

Hoxha: Snajperi i përdorur për vrasjen prodhim italian, u përdor dhe…


               Publikuar në : 22:41 - 09/01/20 |
Geljano Fataj

Kjo lloj arme nuk është e fiksuar sipër është prodhim italian. Kjo lloj arme është përdorur në luftën Kosovës dhe nuk ka rëndësi sa kushton kjo, por se kush e përdor atë. Vrasje e ngjashme e tillë është më 3 dhjetor të vitit 2000 është vrarë Ylli Haklaj në një distancë në 250 metra, me një të shtënë”.

Kështu ka deklaruar gazetari Artan Hoxha në emisionin Opinion, lidhur me vrasjen e biznesmenit në Rrëshen. Snajperi është i markës Sabati, prodhim italian dhe kushton mbi 3 mijë euro. Sa i përket viktimës, gazetari investigativ thotë se prej kohësh ruhej dhe kishte lëvizje të pakta.

Kastriot Reçi nuk dilte, deri para vitit të ri nuk dilte. Ky ka pas dhe vilën e vet që në një farë mënyre kontrollonte dhe nuk dilte. Shiko dhe këndin nga hyn ai aty është e mbuluar zona, ai ka rreth shoqëror dhe farefisnor shumë të madh dhe ruhej dhe e dinte shumë mirë që ishte objektiv goditje dhe mesa duket që ata që kanë bërë planin e dinin që nga afër nuk mund të afroheshin fare pasi mund të dëmtoheshin edhe vet. I gjithë cikli i vrasjeve, është vrarë Gasperi, vëllai i këtij në Romë dhe nuk e kanë gjetur dot italianët, i është vrarë nipi atij tjetrit në Belgjikë dhe nuk e kanë gjetur belgët. E kupton se në çfarë situate je, e ta gjejmë ne. Nuk është hakmarrje e thjeshtë ajo. I kishte tërhequr vëmendje policisë, por nuk ka çfarë i bën policia. E ka liruar prokurori herë tjetër, nuk i afrohej policia fare”, tha Hoxha.

Policia e Lezhës ka shoqëruar disa persona dhe pasi janë marrë në pyetje, janë lënë të lirë. Në të njëjtën kohë është vendosur një shpërblim prej 2 milionë lekësh për çdo informacion që do të çonte në kapjen ose identifikimin e autorëve./ Opinion.al

Pas