Bota

Rusia: Ura e Krimesë të riparohet deri në korrik të 2023



Bëhu pjesë e Grupit Zyrtar të Opinion.al
>> KËTU <<
               Publikuar në : 16:27 - 14/10/22 |
Opi Nion

Qeveria ruse ka urdhëruar kontraktorët të përfundojnë riparimet në urën kyçe që lidh Krimenë e aneksuar me Rusinë deri në korrik të vitit 2023.

Ura u dëmtua nga një shpërthim të shtunën e 8 tetorit, nga i cili sipas zyrtarëve, humbën jetën të paktën tre persona.

Rusia fajësoi Ukrainën për sulmin, por Kievi nuk e ka pranuar diçka të tillë.

Ura 19 kilometra, më e gjata në Evropë, ka shërbyer si një pikë kyçe për furnizimin e forcave ruse pas nisjes së luftës në Ukrainë, por automjetet e rënda të mallrave tani nuk mund ta përdorin atë.

Si pasojë e shpërthimit u shkaktuan dëme në segmentin rrugor dhe atë hekurudhor të urës. Megjithatë, ura është rihapur për qarkullimin e makinave të vogla.

Ura u hap nga presidenti rus Vladimir Putin në vitin 2018, katër vjet pas aneksimit të Krimesë nga Rusia.

Presidenti rus e përshkroi sulmin e së shtunës si “një akt terrorizmi” nga Ukraina, ndërsa qeveria e Kievit ka mohuar se ishte e përfshirë.

Nga ana tjetër, sulmet masive ajrore ruse të hënën në disa qytetet të Ukrainës janë cilësuar si kundërpërgjigje e Moskës ndaj prishjes së urës.

Ndërsa, analistët thonë se rusët janë përgatitur javë më parë për të kryer këto sulme në disa prej qyteteve të Ukrainës./Opinion.al

Pas