6 persona humbën jetën dhe 14 të tjerë u lënduan si pasojë e një sulmi ajror të Rusisë, në ndërtesën e një poste në rajonin e Kharkivit.
Sipas të dhënave paraprake, sulmi ndodhi rreth orëve të vona të së shtunës, kur një raketë e madhe ra mbi çatinë e postës, duke sjellë dhe shkatërrimin e ndërtesës.
Një zëdhënës i policisë së Ukrainës bën me dije se kjo postë ishte bombarduar për herë të dytë nga rusët që nga nisja e ofensivës, në shkurt të vitit të kaluar.
Punonjësit e postës nuk kishin mundur të shkonin në një vendstrehim pasi sirenat e alarmit ishin aktivizuar vetëm pak sekonda përpara se raketa të godiste ndërtesën.
