Presidenti francez, Emanuel Macron mbajti fjalën e tij në samitin e gjashtë të Komunitetit Politik Evropian që po zhvillohet në Tiranë.
Teksa u shpreh se Rusia nuk e do armëpushimin, ai përsëriti thirrjen për një reagim të përbashkët kundër agresionit rus në Ukrainë.
Më tej, Macron foli gjithashtu edhe për krizën në Gaza, për të cilën tha se edhe aty të vendoset armëpushimi i qëndrueshëm.
Në përfundim ai kërkoi, njësoj si Rama, të ngrihet një Sekretariat për të koordinuar punën e Komunitetit Politik Europian.
“Kam kënaqësi t’iu shohë në samitin e gjashtë të Komunitetit Politik Evropian. Faleminderit për mikpritjen. Jemi këtu sot në kohëra kur jetët e vendeve tona dhe situata në kontinent i sjell seriozitet këtij takimi.
Mbledhja e të gjithë krerëve të shteteve na jep shpresë për një kontinent më të gjerë që të përballemi me sfida dhe ta bëjmë në unitet pavarësisht rrezikut që na kërcënon.
Ndonjëherë ka kërcënime të unitetit. E para është lufta e agresionit rus në Ukrainë. Kemi krijuar koalicionin e të vullnetshmëve. Është e rëndësishme që Ukraina të mbështetet. Rusia nuk e do këtë armëpushimi. Ajo duhet t’i kthehet bisedimeve të 2022.
Duhet të këmbëngulim për një paqe të qëndrueshme në Ukrainë. Duhet të ecim përpara. Duhet të mbështetet Moldavia nga agresioni i përditshëm rus. Duhet mbrojtur në zgjedhje pasi e dimë sa ndikim ka. Është i rëndësishëm dhe një armëpushim në Gaza. Njerëzimi, Kina, India, Afrika, i kanë sytë nga ne.
Ndonjëherë nuk e kuptojnë çfarë po bëjmë me Ukrainën. Na duhet paqe diplomaci, unitet për demokracinë tonë. Për të qenë të besueshëm duhet një reagim i përbashkët. Na duhet një shtyllë e fortë evropiane në NATO. Evropa ka shumë më rëndësi sa i përket sigurisë.
Pika e fundit, siguria ekonomike. Deri më tani nuk kemi kuptuar mjaftueshëm që përfaqësojmë mbi 700 milionë banorë, shumë më i madh se ai amerikan. Është edhe më me ndikim se tregu kinez. Duhet të heqim barrierat tregtare, duhet të bashkohemi që kjo Europë të jetë më e bashkuar ekonomikisht dhe nga pikëpamja tregtare.
Duhet bërë diçka më shumë edhe për integrimin rajonal. Ne do bashkërendohemi për të luftuar kërcënimet nga jashtë. Do jemi më të fortë po të rrimë së bashku, për të mbrojtur tregjet tona. Të bashkërendojmë punën tonë edhe për çështje të unitetit ekonomik.
Rreziku për Europën, rreziqet janë të pranishëm dhe Komuniteti Politik Europian na ndihmon të shtrihemi nga pikëpamja ushtarake dhe të bashkërendojmë disa nisma konkrete.
Është koha të ngrihet, siç e tha dhe Edi, një Sekretariat që mund të bashkërendojë këto aktivitete dhe të kemi këtu edhe praninë e KiE dhe do ishte e dobishme“, u shpreh Macron.
