Një ish marins amerikan mbahet në Rusi prej vitit të kaluar me akuza spiunazhi.
Paul Whelan, 49 vjeç, ka nënshtetësi amerikane, irlandeze, kanadeze dhe britanike, denoncoi çështjen kundër tij dhe tha se ai po mbahej “peng” për një shkëmbim të mundshëm të burgosurve.
Ai u arrestua në dhjetor për atë që gjykohet si përvetësim i sekreteve shtetërore, dhe rrezikon deri në 20 vjet burg nëse dënohet.
“Rusia mendon se ka kapur Xhejms Bondin në një mision spiunazhi por në të vërtetë kanë kapur Mr. Bean në pushime,” tha ai, duke lexuar një deklaratë ndërsa gjyqtari po njoftonte vendimin për ta mbajtur atë në burg deri më 29 dhjetor.
Whelan kërkoi që prokurori dhe gjykatësi të hiqen nga çështja pasi ankesat se ai ishte sulmuar në burg ishin injoruar.
“Provat që unë ofrova janë injoruar … Çështjet ligjore vendosen gjithmonë në favor të prokurorëve dhe FSB [shërbimit të sigurisë],” i tha ai gjyqtarit, i cili kundërshtoi kërkesat.
“Jam prangosur, shtrirë në tokë nga një roje dhe jam sulmuar,” tha Whelan, duke shtuar se incidentet ishin anashkaluar nga autoritetet.
Avokati i Whelan, Vladimir Zherebenkov, tha se njeriu i vetëm që ka dëshmuar kundër tij “ishte një provokator”. /Opinion.al
