Rusia deklaroi se po planifikon të dëbojë të huajt e diagnostikuar me koronavirus.
Kryeministri rus, Mikhail Mishustin tha në një takim qeveritar më 3 shkurt se një forum vjetor për investime, që ishte planifikuar të mbahej në Soçi më vonë gjatë këtij muaji, është shtyrë për shkak të virusit.
“Virusi i ri është shtuar në listën e sëmundjeve shumë të rrezikshme. Kjo gjë do të na lejojë ne të dëbojmë shtetas të huaj, nëse ata diagnostikohen me një sëmundje të tillë”, ka thënë Mishustin.
Njoftimi i Mishustinit ka ardhur disa orë pasi Shtetet e Bashkuara kanë thënë se planifikojnë të tërheqin shtetasit amerikanë nga provinca kineze Hubei, ku ka shpërthyer fillimisht virusi.
Nga ana e saj Ministria e Jashtme kineze ka akuzuar Shtetet e Bashkuara për nxitje të frikës për shpërthimin e virusit, në vend që të ofrojë ndihmë konkrete, duke u bërë shteti i parë që ka sugjeruar largimin e pjeseshëm të stafit diplomatik, dhe ndalimin e udhëtimit për shtetasit kinezë drejt SHBA-së./Opinion.al
