Sekretari i Shtetit, Marco Rubio, njofton se administrata e presidentit Donald Trump ka vendosur të mbyllë 83% të programeve të ofruara nga Agjencia Amerikane për Zhvillim Ndërkombëtar (USAID).
“Shtetet e Bashkuara po anulojnë zyrtarisht 83% të programeve në USAID”pas një rishikimi 6-javor”, tha Sekretari i Shtetit Marco Rubio në një postim në platformën X.
Marco Rubio thotë se 5200 kontratat që tani janë anuluar shpenzuan dhjetra miliarda dollarë në mënyra që nuk shërbyen (dhe në disa raste edhe dëmtonin) interesat kyçe kombëtare të Shteteve të Bashkuara.
Sekretari i Shtetit shtoi se nga konsultimet me Kongresin, kanë mbetur rreth 18% e programeve (afro 1000), të cilat do të administrohen tani më efektivisht nga Departamenti i Shtetit.
Ai falenderoi DOGE dhe stafin që punoi shumë orë për të arritur këtë reformë të vonuar dhe historike.
