Historia e saj është vetëm pjesa e njohur për shumicën e publikut, por në kalanë e qytetit të Lezhës nuk mungojnë edhe vizitorët e peisazhit. Vendasit e dinë këtë sekret që ka nisur të identifikohet edhe nga turistët ndaj edhe të shumtë janë ata që i ngjiten kodres drejt kalasë. Një qytet që qëndron në ajër, do të thoshte për Lissin në librin e saj Alexiada, princesha bizantine Anna Komnena duke iu referuar pozicionit gjeografik të fortesës.
Ndërsa ke mbërritur në portën kryesore te kalasë do të marrësh vetëm sadisfaksionin e parë që ndërthur historinë dhe peisazhin që të shtrihet përpara, por që ende nuk ke eksploruar të gjithën. Ulur në stolat e vendosur për të pushuar mund të gjesh edhe soditës e meditues. Ka edhe nga ata që frymëzohen nga peisazhi dhe ndjesia që të ofrohet ndërsa kundron nga lart qytetin e Lezhës.
Pamja është e plotë në 360 gradë, nga ku vëren gjithësinë që përkufizon Lezhës e sotme. Nga qëndra e qytetit nisin zgjatimet e tyre fushat e Zadrimës në veri, Torovicës në veriperendim e Bregut të Matit në Jug ndërsa në lindje të shoëron maja e Akrolisit. Qielli bashkohet me kaltërsinë e detit duke përbërë dehjen e shikimit që më hërët kombinohet me lagunat e Kune – Vainit.
I gjithë ky peisazh shtrihet në një distancë të shkurtër dhe që përbën veçantinë e madhe e vizitave në kalanë e Lezhës. Edhe Ervis Gaspri ka këtë ndjesi ndërsa ka vendosur të relaksohet krejtësisht i vetëm duke soditur qytetin e tijë. Ai është i bindur se Lezha është me fat që ka këtë kala nga e cila ndjehesh se ke zotërimin e gjithçkaje. I ndodh që edhe të marrë frymëzime për krijimet e tijë poetike, kjo është një duhmë e mirë për një poet. Ndërsa mund të lësh pas edhe ti poetin e radhës, pasi Lezha i ka të shumtë artistët e kësaj gjinie, nuk duhet të habitesh që përballesh me larmi gjuhësh që të bashkohen bashkë me erën që përshkon hapsirën e madhe që tashmë ka nisur të krijohet.
Për një pushuese nga Maqedonia e cila prej ditësh është vendosur në plazhin e Shëngjinit, ngjitja në kala ka qënë një guxim, por që në fund është shpërblyer. Ajo nuk e kishte idene se çfarë fshihej nga lartësia e këtij objekti historik, por tani është e bindur që do të rikthehet. Ajo thotë se është kënaqësi të shijosh detin nga kjo pjesë lart pasi është një pamje e mrekullueshme. Në pjesën perendimorë të kalasë ndodhet ngrehina nga ku pamja që të mundësohet është e jashtëzakonshme. Aty takon turistë të shumtë, kryesisht të huaj që nuk i ndahen pësaj pamjeje, ndaj edhe marrin prej sajë nëpërmjet kamerave dhe aparateve fotografik. Kështu vepron edhe një çift italianë që kishin vendosur që buzëmremjen e tyre ta kalonin pikërisht në kalanë e Lezhës.
Ndërsa i pyet se çfarë është interesante nga kjo vizitë sigurisht që pasi janë të bindur se historia është tejet interesante të flasin për impresionin e tyre. Sipas tyre, është lartësia, një pamje e bukur skenografike, surreale me dritën që pëërhapeet ne horizont e që të bën te ndjehesh mirë është vetëm nisja e pëërshkrimit të kësaj ndjesie. Sipas tyre mund të sodisësh edhe qytetin, por që ftesa për miqtë e tyre do të jetë impresioni i marrë. Pamje nga kalaja është relaksuese pasi mund të shohësh në të katër anët e të përfundosh në det ku shikimi të humbet shumë larg. Nuk është se mund të ndodhë shpesh të pëërballesh me një panoramë të tillë që gjithnjë mbetet kënaqësi. Krahas historisë që e ka mbërthyer kalanë e Lezhës që prej ekzistëncës së saj, panorama nga kjo pikë e lartë me siguri duhet të jetë e këshillueshme edhe për sytë.
