QSUT ka dhënë detaje në lidhje me gjendjen shëndetësore të nxënësve , të cilët pësuan probleme shëndetësore në një shkollë mëngjesin e sotëm, në rrugën “Don Bosko”, pas rrjedhjes së gazit.
Në reagimin e QSUT, bëhet e ditur se paraditen e sotme janë paraqitur pranë Urgjencës së Sëmundjeve të Brendshme me ambulancë 3 pacientë të ekspozuar nga gazi, të moshës rreth 15 vjeç.
Ndërkohë, që tre pacientë të tjerë të moshës 12-14 vjeç të intosikuar janë paraqitur me ambulancë pranë Urgjencës Pediatrike.
Mjeku toksikolog ka kryer konsultën mjekësore dhe ka konstatuar që janë koshiente, paraqesin simptoma të lehta të intoksikacionit si dhimbje koke dhe të përziera. QSUT njofton se pacientët janë me parametra stabël, jashtë rrezikut për jetën dhe janë shtruar në pavion për monitorim./ Opinion.al
