Bashkia e Divjakës ka njoftuar mbylljen e të gjithë tregjeve deri në një lajmërim të dytë. Një vendim I tillë erdhi pas rritjes së rasteve të infektuar me koronavirus.
“Për shkak të përhapjes shqetësuese të infektimeve me Covid-19 njoftojmë mbylljen përkohësisht të të gjitha tregjeve me shtrirje në territorin e Bashkisë Divjakë. Tregjet do të jenë të mbyllur deri në një njoftim të dytë”, shkruhet në njoftim.
Bashkia gjithashtu u bën thirrje qytetarëve që të tregohen vigjilent dhe të respektojnë masat anti-covid, për të shmangur përhapjen e virusit.
Njoftim:
Për shkak të përhapjes shqetësuese të infektimeve me Covid-19 njoftojmë mbylljen përkohësisht të të gjitha tregjeve me shtrirje në territorin e Bashkisë Divjakë.
Tregjet do të jenë të mbyllur deri në një njoftim të dytë.
Këshillojmë të gjithë qytetarët të zbatojnë udhëzimet e institucioneve përkatëse përsa i përket parandalimit të përhapjes së COVID-19.
Të respektojmë jetën tonë dhe të atyre që na rrethojnë.
Faleminderit/Opinion.al
