Deputeti demokrat, Bardh Spahia ka reaguar ashpër ndaj Ministres së Shëndetësisë lidhur me rritjen e çmimeve për shërbimet dentare. Sot në media u publikua lajmi se ministria ka vendosur që këtë çështje ta dërgojë në gjykatë, pasi Urdhri i Stomatologut nuk tagër të rrisë çmimet. Pikërisht këtu kapet Bardh Spahia, i cili e quan ministren Ogerta Manastirlliu gënjeshtare dhe të pafytyrë. Sipas deputetit demokrat, znj. Manastirlliu ka qenë në dijeni që më 6 Dhjetor pasi pjesë e bordit janë dy përfaqësues të saj. Konkretisht përfaqësuesi i Fondit të Kujdesit Shëndetësor ka votuar pro rritjes së çmimeve ndërsa juristi i këtij dikasteri ka abstenuar.
Statusi i plotë i Spahisë në facebook
Pafytyrësia e Ogerta Manastirliut me çmimet e sherbimeve dentare
Po si mund të gënjesh kaq trashë moj zonja Ministre e Shëndetësisë? Pas denoncimit të djeshëm nga PD, por edhe qytetarë të veprimit antiligjor të Urdhërit të Stomatologut me caktimin e çmimeve për shërbimet dentare, spikat hipokrizia e ministres Ogerta Manastirliu, që po vrapon ta “dënojë” këtë akt që ndodhi 6 dhjetorin e kaluar, duke e çuar në gjykatë.
Për të gjithë ata që nuk e dinë, e të cilëve ministrja e shëndetësisë po u hedh hi syve pacipësisht, në dokumentin e mëposhtëm, duket reultati I votimit të vendimit të 6 dhjetorit: 22 vota pro e dy abstenime.
Cfarë ministrja Manastirliu nuk thotë, është se 2 prej atyre votave pro janë të ministrisë së shëndetësisë, e cila sipas ligjit është pjesë e Këshillit Kombëtar të Urdhërit të Stomatologut. Përfaqësuesi i Fondit të Kujdesit Shëndetësor, që ka kryetar të Këshillit Administrativ vetë Ogerta Manastirliun, ka votuar PRO kësaj liste çmimesh, ndërsa juristi i Ministrisë së Shëndetësisë (që me gjasë njeh mirë ligjin), ka abstenuar, dmth nuk ka kundërshtuar.
Pra, Ogerta Manastirliu, jo vetëm që nuk e mësoi dje për herë të parë atë vendim, por ishte pjesë e atij vendimi antiligjor të 6 dhjetorit, që sot thotë se po con në gjykatë. Para gjykatës duhet të dalë e para ministrja, pjesë e atij vendimi.
Mashtrimi kaq i hapur i opinionit publik, nuk skuq e as zverdh ministren në provë të Edi Ramës, ndërsa qytetarët përballen me babëzinë pa fre të çdo vendimi, edhe kur ky u prek direkt shëndetin e tyre. #Proteste#TeLargojmeEdiRamen
/Ri-De
