Një aeroplan transporti mallrash, Antonov-12, u rrëzua afër aeroportit të Lvivit në perëndim të Ukrainës mëngjesin e të premtes, duke shkaktuar të paktën pesë viktima.
Avionit të Aleancës Ajrore të Ukrainës i mbaroi karburanti para një ndalesës së planifikuar në Lviv. Ai udhëtonte nga Vigo në Spanjë për në Stamboll.
Ministria e emergjencave tha se aeroplani kishte shtatë persona në ekuipazh, dhe një person tjetër që po shoqëronte ngarkesën. Nuk është ende e qartë se çfarë ishte ngarkesa që po transportonte avioni.
Agjensia e lajmeve Unian e Ukrainës njoftoi se avioni transportonte ngarkesa ushtarake.
Avioni sovjetik me katër motorë u zhduk nga radari në orën 07:10 ndërsa po afrohej në aeroportin ndërkombëtar Lviv. Ai u rrëzua 1.5 km (një milje) nga aeroporti dhe nuk u përfshi nga flakët.
Aeroporti i Lvivit është mbyllur për shkak të këtij incidenti. /Opinion.al
