Policia Kufitare në Sarandë ka ndëshkuar me një gjobë prej 110 mijë lekë të reja një drejtues Jet Ski, pasi ka rrezikuar jetën e pushuesve, duke lundruar në det me mjet.
Përpos kësaj, Policia Kufitare ka konstatuar se drejtuesi i Jet Ski po lundronte pa dokumentacion përkatës dhe për këtë arsye mjeti është sekuestruar.
Policia Kufitare apelon për të gjithë përdoruesit e mjeteve lundruese që të respektojnë me rigorozitet perimetrin e sigurisë ujore për plazhistët, të zbatojnë rregullat për përdorimin e mjeteve lundruese dhe të respektojnë zonat e përcaktuara për lundrim me këto mjete.
Gjithashtu, fton qytetarët që për çdo rast të shkeljes së perimetrit të sigurisë dhe të përdorimit të mjeteve lundruese në mënyrë të parregullt, të denoncojnë në numrin pa pagesë 112, duke iu garantuar reagim të shpejtë, në bazë të ligjit”, njofton policia.
