Pas shpërndarjes së protestuesve, sheshi përpara parlamentit është rrethuar me shiritin e sigurisë, i cili vendoset nga policia dhe prokuroria kur ka vendngjarje. Gjasat janë që protesta e sotme do të hetohet për akte dhune, pasi protestuesit u përplasën me policinë.
Pati edhe protestues të gjakosur, madje një vajzë e re u dërgua me urgjencë në spital pasi humbi ndjenjat. Nuk konfirmohet zyrtarisht nisja e hetimeve por gazetarët e terrenit thonë se të gjitha veprimet që po kryhen nga policia të tregojnë se ata po e konsiderojnë sheshin një skenë krimi. Sakaq gjatë gjithë protestës janë parë efektivë të policisë që fotografonin protestuesit. /Opinion.al
