Kjo javë ka qenë gjithëpërfshirëse në emisionin ‘Opinion’!
Në katër ditë të ndryshme janë trajtuar tema nga bota, tema sociale, kronikë e zezë, por nuk ka munguar as politika.
Duket se ky kombinim i cili vjen edhe si rezultat i zhvillimeve nga aktualiteti e ka koordinuar në mënyrë tepër interesante edhe audiencën.
Emisioni ‘Opinion’, më i ndjekur i kësaj jave ishte një emision dossier i transmetuar ditën e enjte, dedikuar kohës së diktaturës; “Rrënimi ekonomik në komunizëm”, rrëmbeu vëmendjen më të madhe të shikueshmërisë bazuar në të dhënat e agjencisë matëse Telemetrix.
Ndërsa emisioni më pak i ndjekur ishte emisioni për takimin mes Donald Trump dhe Kim Jong Un.
***
Mbrëmjen e të hënës në emisionin ‘Opinion’ u fol për vrasjen që tronditi Tiranën të premten e kaluar. Xhuljeta Çuni, vajza 19-vjeçare që u qëllua për vdekje nga ish-i dashuri i saj. Në ‘Opinion’ u zbulua se ishte paraqitur dy herë në polici për të denoncuar përndjekjen nga Xhafer Mata. Vetëm një muaj para se të vritej, ajo kishte firmosur kallëzimin. Audienca maksimale atë mbrëmje ishte 40.6% dhe audienca mesatare 34.0%.
Të martën në mbrëmje në emisionin “Opinion” u fol për takimin e vitit mes Donald Trump dhe Kim Jong Un. Çfarë do të sjellë ky takim dhe a do të ndikonte në çarmatimin e plot bërthamor të Koresë së Veriut? Maksimumi i audiencës atë mbrëmje ishte 36.2% dhe audienca mesatare 29.8%.
Ndërsa mbrëmjen e të mërkurës në emisionin ‘Opinion’ u fol për muajin e shenjtë të Ramzanit. Audienca maksimale atë mbrëmje ishte 39.4% dhe audienca mesatare ishte 31.9%
Mbrëmjen e të enjtes në ‘Opinion’ u transmetua një emision dossier për: Rrënimi ekonomik në komunizëm! Ky ishte emisioni që morri audiencën më të madhe gjatë kësaj jave.
Në këtë emision ish-kryeministri Fatos Nano, i intervistuar disa vite më parë nga Blendi Fevziu ka treguar një histori interesante rreth rinisë së tij në periudhën e komunizmit, për atë që njihet si radha e qumështit. Intervista e dhënë disa vite më parë për emisionin ‘Opinion’ në Tv Klan është rikthyer në lidhje me ‘rrënimin ekonomik në komunizëm’, e cila ishte dhe tema e emisionit këtë të enjte. Maksimumi i audiences ishte 41.8%, ndërsa audienca mesatare ishte 29.6%./G.Z- Opinion.al
