Një person është arrestuar në Poloni në lidhje me pengmarrjen dhe vrasjen e Jan Prengës në zonën e Shijakut. Ngjarja e rëndë u krye nga autorët për t’u hakmarrë ndaj vëllait të tij për prishjen e pazareve të drogës në Britani
Bëhet me dije se është arrestuar një prej të dyshuarve si rrëmbyes. Dyshohet se në pranga ka rënë Martin Gentian Bleta, i cili po i nënshtrohet verifikimeve të hollësishme nga ana e autoriteteve.
Kujtojmë që Jan prenga u mor peng në janar 2020 në zonën e Kamzës. 49-vjeçari është babai i 5 fëmijëve dhe ka 4 vëllëzër, njëri prej të cilëve është bërë shkak edhe për pengmarrjen e tij. Gjithashtu mësohet se Prenga jetonte prej vitesh në zonën e Bathores.
Referuar informacioneve, i vëllai i tij kishte rolin e korrierit në grupin e trafikut të drogës në Mbretërinë e Bashkuar, ku dhe është konfliktuar me pengëmarrësit të Jan Prengës. Pengmarrësit donin t’i bënin presion me rrëmbinim e të vëllait, pasi ai nuk kishte dërguar në destinacion 50-60 kg kokainë, prandaj i morën peng të vëllanë në Shqipëri./ Opinion.al
