Shtetasi shqiptar Astrit Tota, i cili u arrestua nga policia greke pasi rrëmbeu 13 emigrantë dhe i futi ato në një rimorkio, ndodhet në paraburgim.
Astrit Tota nga Kukësi, publikoi videon në rrjetet sociale dhe tregoi se mban peng emigrantët, që sipas tij ishin përgjegjës për zjarret masive që përfshirën Greqinë.
Ai u arrestua bashkë me dy shtetas grek, me të cilët bashkëpunoi për kapjen e emigrantëve.
Pas rrëfimit të tre të pandehurve, prokurori dhe hetuesi nuk u pajtuan nëse duhet të caktohen masat e paraburgimit apo jo dhe për pasojë janë dërguar në arrest shtëpiak.
Zgjidhja u dha nga Këshilli Penal i Aleksandoupolit, i cili mbajti një mbledhje mëngjesin e sotëm dhe vendosi që për tre të pandehurit të caktohet masa me paraburgim.
Në videon e publikuar Astrit Tota bën komente racistë duke bërë thirrje për një program mbi emigrantët e paligjshëm që ndodhen në pyjet greke të ardhur nga Turqia që duan të shkojnë drejt Greqisë perëndimore./Opinion.al
