Prindërit e sulmuesit të Liverpool, Luis Diaz u rrëmbyen të shtunën. Autoritetet thanë se ndërsa nëna e tij u shpëtua më vonë, babai vijon të jetë i zhdukur. Ngjarja ndodhi në qytetin e lindjes së sulmuesit të Liverpool, Barrancas, një qytet në veri të Kolumbisë.
Nëna e Diaz, Cilenis Marulanda, u shpëtua nga policia në qytetin Barrancas në departamentin verior të La Guajira, tha Presidenti i Kolumbisë Gustavo Petro.
Drejtori i policisë së vendit, gjenerali Ëilliam Salamanca, tha se ai po përdor çdo agjent për të gjetur babanë e Diaz.
Prindërit e 26-vjeçarit Diaz thuhet se janë rrëmbyer teksa po shkonin me makinë për në shtëpinë e tyre. Persona të armatosur me motoçikleta i ndaluan automjetin dhe i rrëmbyen.
Federata e Futbollit të Kolumbisë tha në një deklaratë se rrëmbimi ishte për të ardhur keq dhe u kërkoi autoriteteve të shpëtonin babanë.
Diaz nuk ka komentuar mbi incidentin.
