Një burrë 54 vjeç nga Tirana është arrestuar pasi ka dhunuar të bijën. Lajmi u dha nga policia e Tiranës e cila thotë se shtetasi me iniciale M. K., 54 vjeç është ndaluar në kushtet e flagrancës duke ushtruar dhunë fizikisht ndaj vajzës së tij E. K., 18 vjeç. Materialet u referuan në ngarkim të tij, në Prokurorinë e Rrethit Gjyqësor Tiranë, për veprën penale të ” Dhunës në familje “.
Po kështu gjatë ditës së sotme policia thotë se janë arrestuar edhe tre persona të tjerë që ishin në kërkim për vjedhje dhe përndjekje.
Përkatësisht: A. Z. 32 vjeç, pasi Gjykata e Rrethit Gjyqësor Tiranë e ka dënuar me 2 vjet e 6 muaj burg për veprën penale ” Përndjekja”. A. B., 23 vjeç, pasi Gjykata e Rrethit Gjyqësor Tiranë e ka dënuar me 1 vit e 6 muaj burg, për veprën penale ” Vjedhja” dhe A. B., 23 vjeç, pasi Gjykata e Apelit Tiranë e ka dënuar me 1 vit e 6 muaj burg, për veprën penale ” Vjedhja”. /Opinion.al
