Në një konferencë për mediat këtë të martë, Roland Bejko ka treguar se pse ka pranuar të kandidojë në logon e PD për bashkinë e Tiranës.
Sipas tij arsyeja kryesore e kandidimit është se nuk pranon që e djathta të përfaqësohet nga një parti e majtë.
“Pikërisht kjo është arsyeja kryesore se përse mora përgjegjësinë duke pranunar kandidimin tim për Tiranën. Unë nuk mund të pranojë, ne të gjithë nuk mund të pranojmë, që Partia Demokratike, e djathta shqiptare në tërësi të përfaqësohet nga parti të majta të kamuflura si të djathta, që gjatë gjithë historisë së tyre politike kanë bërë pazare në kurriz të demokratëve dhe kanë përfituar prej tyre. Unë nuk mund të pranojë që e djathta shqiptare të pëfaqësohet nga lëvizje politike të cilat janë në izolim total ndërkombëtar. Ky do të ishtë një turp dhe fatkeqësi për të ardhmen e Partisë Demokratike dhe të djathtës në Shqipëri,” tha Bejko./Opinion.al
